Alexander Schoch

Dialäkt: Undermarkgreflerisch
dr Alexander Schoch (2013)

Dr Alexander Schoch (* 14. Augschte 1954 z Friburg) isch e dytsche Bolitiker (Bindnis 90/Di Griene). Är isch vu 2011 bis 2025 Mitglid vum Landdag vu Bade-Wirttebärg gsii.

Uusbildig un Beruef

Dr Schoch isch uf d Grund- un Hauptschuel gange un het derno ne Lehr zum Vermässigstächniker gmacht. Är het iber dr zweet Bildigswäg s Abitur noogmacht un het derno Bolitikwisseschaft, Wirtschaftswisseschaft, Geografy, Diplompedagogik un Psychology studiert un mit em Staatsexamen un em Diplom abgschlosse. Är isch bis 2005 Bundesgschäftsfierer un Tarifverhandligsfierer bi dr Gwerkschaft ÖTV beziehigswys ver.di gsii. Wäg em Umzug vu dr Bundesverwaltig vu Stuegert uf Berlin isch er 2005 Bildigsreferänt vu dr Gwerkschaft ver.di un 2008 Fachberaichslaiter im Bezirk Mittelbade-Nordschwarzwald wore. Är het derzue as ehrenamtlige Richter gschafft.

Bolitischi Laufbahn

Dr Schoch isch vu 1984 bis Oktober 2000 Stadtrot fir „Die Offene Liste“ (DOL) z Waldkilch gsii.[1] Syt 1994 isch er Mitglid im Chraisrot vum Landchrais Ämmedinge unsyt 2009 isch er au Spräche vum Ortsverband vu dr Waldkilcher Griene. Bi dr Landdagswahl 2011 isch er im Wahlchrais Ämmedingen aadrätte un isch mit 30,4 % vu dr Stimmen in Landdag gwehlt wore. In dr Landdagsfraktion vu dr Grienen isch er energy- un arbetsmärtbolitische Sprächer gsii un Mitglid im Umwältuusschuss un im Petitionsuusschuss.

Bi dr Landdagswahl 2016 het er as erschte Griene s Diräktmandat im Wahlchrais Ämmedinge mit 35,5 % vu dr Stimme gwunne.[2] Im neie Landdag het er dr Uusschiss fir Energi, Klima, Umwält- un Naturschutz/Wirtschaft, Arbet un Wohne un Ländlige Ruum un Verbrucherschutz aaghert. Är isch Sprächwer vu dr griene Landdagsfraktion fir Arbetsmarktbolitik un Arbaitnämerrächt un fir Energi-/Ressourceneffiziänz un Kraislaufwirtschaft gsii.

Bi dr Landdagswahl 2021 het er sy Diräktmandat mit 36,2 % vu dr Stimme chenne verdaidige. Am 31. Merz 2025 het er sy Mandat niderglait. Bi syre Verabschidig het dr Axel Mayer e Red ghalte, wu nomol dr bolotisch Läbeswaäg vum Alexander Schoch ufzaigt het.[3] Fir ihn isch dr Rüdiger Tonojan in Landdag noogruggt.[4]

Sunschtigs Engaschmänt

  • Mitgliid vum Kuratorium vu dr Landeszentrale für politische Bildung Baden-Württemberg
  • Mitgliid vu dr Arbeitsgemeinschaft Wasserkraftwerke Baden-Württemberg
  • Mitgliid im Stiftigsrot vu dr Stiftung Entwicklungszusammenarbeit (Stv.)
  • Mitgliid im Stiftigsrot vu dr Stiftung Kinderland BW (Stv.)
  • Mitgliid im Ufsichtsrot vu dr Medien- und Filmgesellschaft BW (Stv.)
  • Mitgliid im Ufsichtsrot vu dr Stadtwerke Waldkirch
  • Mitgliid im Oberrhyrot

Dr Schoch isch unter anderem Mitgliid vu dr Gwerkschaft ver.di, vu dr Naturfreunde Waldkirch, vu Greenpeace, vum BUND, vum VCD, vum ACE, vum Skiclub Waldkirch, vum Sportverein Waldkirch SVW, vu WABE e. V. (vu 1999 bis 2010 dert au im Vorstand), vu WiWaldi, vum DLRG, vum Rote Chryz, vum Kinderschutzbund, vu dr Narrezumft Krakeelia, vu TRAS, vum Dytsche Dagebuecharchiv, vum Öko-Institut, vum Radio Dreyeckland un vum Förderverein Förderschule.

Derzue isch er Mitgliid vum Kuratorium vu dr Landeszentrale für politische Bildung Baden-Württemberg un vum Vorstand vum Kommunale Kino Waldkirch e. V. „Klappe 11“.

Privats

Dr Alexander Schoch isch ghyrote un het zwoo Dechtere. Är läbt mit syre Familie z Waldkilch.

 Commons: Alexander Schoch – Sammlig vo Multimediadateie

Fueßnote

  1. ↑ DOL Waldkirch: Die Geschichte der Offenen Liste, abgruefen am 11. Merz 2014.
  2. ↑ Kreis Emmendingen: Schwehr verliert Wahlkreis an Schoch. In: badische-zeitung.de. Abgruefen am 21. November 2016.
  3. ↑ Axel Mayer: Rede zur Verabschiedung von Alexander Schoch am 28.3.2025. In: Mitwelt.org. 28. März 2025, abgruefen am 17. April 2025.
  4. ↑ Zum 31. März 2025 lege ich mein Mandat als Landtagsabgeordneter nieder. In: alexander-schoch.de. 6. März 2025, abgruefen am 12. März 2025.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.