Affekt

Dr Affekt (vo lat. afficere: aadue; in e Zuestand versetze; versee) isch e Gmüetserreegig (änglisch: occurring emotion öbbis, wo äim bassiert).[1] Si het en Usdrucksdimension, e körperligi Dimension und e motivazionali Dimension. E Lächle zum Bischbil chan e Usdruck für en Affekt Sümpathii si, Rootwärde, im körperlige Beriich, chan en Usdruck für dr Affekt vom Schäme si und wemm mä mit dr Fust uf e Disch haut, cha das von ere Döibi choo.[2]

Dr Affekt isch e bsundrigi Kwalidäät vom Füüle. D Merkmol, won en definiere, si e relativi Kwantidäät − in Vergliich zur Grundstimmig, und en Akzidänz vo dr Ufreegig. Wie men em säit (zum Bischbil Iifersucht, Druur, Wunderfiz usw.) chunnt vo dr Emozioon, won er mit were verbunde isch. So cha zum Bischbil Iifersucht nit nume in dr Form vom ene Affekt ufdräte, sondern au as Gfüül, as Zwangsgedanke, as Motiv usw. Us em Konteggst vo wie mä s Wort brucht (zum Bischbil «e Riisewuet») merkt mä, öb en Affekt oder en anderi Kwalidäät vo Gmüetsbeweegig gmäint isch. Affektiv (sünonüüm: emozional) säit men eme Verhalte, wo vor allem vo dr Gmüetserreegig und weniger vo kognitive Brozäss bestimmt wird.

Sit em 16. Joorhundert[3] bis zur Gegewart[4] wird Affekt as e heftigi Gmüetsbeweegig bezäichnet. In dr Psüchologii gseen s nid alli eso, ass d Gmüetsbeweegig müess heftig si. Vilmol ziet mä dr Begriff Emozion für son e Affekt vor.

In dr Rächtssprächig

Vilerorts näme d Gricht Affekt in d Rächnig, wenn en Aaklagte wägene in sinere Gschäfts-, Delikts- oder Schuldfähigkäit beiidrächtigt oder zun ere stroofbare Daat motiviert worde isch.

Einzelnachweise

  1. ↑ Krause, R., Steiner-Krause, E., Ullrich, B., 1992, Anwendung der Affektforschung auf die psychoanalytisch-psychotherapeutische Praxis. Form der Psychoanalyse, 8, 238–253
  2. ↑ vgl. Benecke, C., Vogt, Th., Bock, A., Koschier, A., Peham, D., Entwicklung und Validierung eines Fragebogens zur Erfassung von Emotionserleben und Emotionsregulation (EER). Leopold-Franzens-Universität Innsbruck, Institut für Psychologie, Innsbruck, 2008, – download – S. 3,4.
  3. ↑ Etymologisches Wörterbuch der deutschen Sprache / Kluge. Bearbäitet vom Elmar Seebold, 23. Uflaag Berlin; New York: de Gruyter, 1999
  4. ↑ Wahrig, Deutsches Wörterbuch, 7. Uflaag, 2000
Bitte gib au Achtig uf dr Hiwis zue Rechtstheme!
Dä Artikel basiert uff ere fräie Übersetzig vum Artikel „Affekt“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.