South Waikato District

South Waikato District
distrikt
Land	New Zealand
Areal	1 818,88 km²
Folketal	24 400 (30. juni 2018)[1]
South Waikato District 38°09′58″S 175°51′54″E / 38.166°S 175.865°E / -38.166; 175.865

South Waikato District ligg mellom byane Hamilton i nord, Rotorua i aust, Taupo i sør, og Ruhepehu District mot vest på Nordøya på New Zealand. Distriktet ligg i regionen Waikato.

Ngāti Raukawa er den største iwien i området. Det er 32 maraear i distriktet, mellom desse Papa te Aroha marae, Aotearoa marae, Pikitu marae (Nga-Huri), Pōhara marae (Ngati Koriki), Ngatira marae (Ngati Ahuru) og Tarukenga marae (Ngati Te-Ngakau).

I distriktet ligg byane Tokoroa, Putaruru, Tirau og Arapuni. Setet til distriktsstyret, South Waikato District Council, er Tokoroa.

Ved folketeljinga i 2006 var folketalet i distriktet 22 641, av desse budde 65% i Tokoroa. Av innbyggjarane i distriktet rekna 6 711 seg som māoriar^[3]. Putaruru hadde 3765 innbyggjarar, og Tirau 732. Folketalet i distriktet har gått merkbart attende det siste tiåret, frå 25 011 ved folketeljinga i 1996^[3].

Hovudnæringsvegane i distriktet er skogbruk og produksjon av tømmer. Vest i distriktet ligg fleire vasskraftverk.

• Heimesida til distriktsstyret
• Offentlege målsetningar for South Waikato District Arkivert 2009-01-01 ved Wayback Machine.
• Distriktet sin langtidsplan 2006-2016 Arkivert 2010-03-01 ved Wayback Machine.