Jurij Kislink

Jurij Kislink (němsce George Kießling; * 15. februara 1788 w Chrósćicach, † 5. nowembra 1869 runje tam) bě serbski pastyr a twarc časnikow a sykawow.

Wón bě syn z Čechow pochadźaceho ćěsle, wopytowaše ludowu šulu w ródnej wsy a dźěłaše tam jako pastyr-wowčer.

Technisce zajimowany a wobdarjeny Kislink spasli sej po modelu z Čorneho lěsa časnik z drjewa. Pozdźišo so w Budyšinje pola časnikarja Seppiga wukmani a zhotowi přez 50 wěžowych časnikow za cyrkwje a hrody we Łužicy, w Zebnicy, w Mišnjanskim a Lipšćanskim kraju, mjez druhim wone w klóštrje Marijinej hwězdźe (1819), při Chróšćan cyrkwi (1836) a we Wotrowje. Nimo toho twarješe po Drježdźanskim modelu wot 1822 sykawy za wohnjowe wobory a liješe w Chrósćicach zwony.

• J. Symank: Jurij Kislink. W Katolskim Posole 62 (1924), str. 342–346

• Jurij Młynk: Kislink, Jurij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 251