Scuele Grande di San Roc di Vignesie

La Scuele Grande di San Roc si cjate a Vignesie, al civic Sante Crôs 3052.

La Scuele Grande di San Roc e je une fraterne fondade da citadins venezians in tal 1478. Si cjate dongje la Glesie di San Roc,sant cui la citât di Vignesie veve domandât la gracie di salvâ la citât de creparie de peste. La Scuele e ven edificade dulà che si cjatin i terens de Glesie di San Pantalon e de Glesie di Sante Marie dai Frari. L'11 di Zenâr dal 1517 il progjet al ven afidât al architet Bartolomiu Bon e forsit terminât dal fi Pieri Bon che al a scugnût lâ daûr dai ordins dal Consei Diretîf de Scuele. Altris trê architets a puartaran indenant il progjet par terminâlu il 9 di Setembar dal 1560. Intal 1489 la Scuele e tache la costruzion di une Glesie di sô propietât dedicade simpri a San Roc.

In tal 1564 i lavôrs di decorazion vegnin afidâs al Tintoretto. Dutis lis oparis son sôs o dai scuelârs de sô buteghe. Di une bielece particolâr e je la Sale dal Albergo. Dutis lis oparis son stadis realizadis jenfri il 1564 e il 1588. Lis oparis principâls son:

• Plan teren: dal Tintoretto: la Nunziade, la Adorazion dai Rês, la Scjampade in Egjit, la stragje dai inocents, la Presentazion al Templi, La Sunte. Dongje ai barcons tal font de sale: Sante Marie Egiziache e Sante Madalene.

• Sale superiôr dal Tintoretto: Mose fâs jessi la aghe dai claps, il meracul dal sarpint di bronç, la colade de mane, il Batisim, la pissine probatiche, la Resurezion, la Sense.

La Ultime Cene, la Moltiplicazion dal pan e dal pes. Parsore 21 cuadris dal pitôr Giuseppe Angeli.

• Sale dal Albergo dal Tintoretto: San Zuan Evangjelist, San Marc, San Teodoro, de Caritât e de Misericordie, Jesu Crist di front di Pilât. Ecce Homo, Jesu Crist in crôs.

• Jesu Crist in Crôs (1565)
• La Scjampade in Egjit (1583-1587)

• Sît uficiâl de Scuele