Telstar

Universala newsreel pri Telstar 1

Telstar estas la nomo kaj marko de serio de usonaj kaj kanadaj komunikaj satelitoj. Telstar 1 estis lanĉita la 10-an de julio 1962, en kunlaboro inter AT&T, la plej granda telekomunika kompanio en Usono, kaj NASA, federacia agentejo respondeca pri kosmo kaj aeronaŭtiko. La celo estis esplori kaj demonstri la eblecojn de sendado de informoj per satelito. Eblis elsendi televidajn elsendojn trans Atlantikon por la unua fojo. Telstar 2 sekvis apenaŭ jaron poste.Poste, satelitoj de pluraj kompanioj estis lanĉitaj sub ĉi tiu marko.

Pli frue, Usono lanĉis sateliton kun pli simplaj sistemoj, SCORE, en 1958, sed Sovetunio lanĉis Sputnik 1 eĉ pli frue en 1957. [1]

Verŝajne la plej avangarda instaco de la model estas Telstar 19V.

Priskribo

Modelo de la satelito Telstar 1 en muzeo
177 ft. longa kornantenno ĉe satelita terstacio de AT&T en Andover, Majno, konstruita por komuniki kun Telstar

La unua satelito, "Telstar 1", estis posedata de AT&T kaj estis parto de komuna entrepreno inter Bell Labs, NASA, la Brita Poŝtoficejo kaj France Telecom. La satelito estis konstruita de Bell Labs kaj lanĉita de NASA la 10-an de julio 1962. Ĝi estis la unua private financita lanĉo. Ses terstacioj estis konstruitaj por ricevi la datumojn en Usono, Britio, Francio, Germanio, Kanado kaj Italio. La satelito estis metita en elipsan orbiton, do ĝi estis disponebla por sendi datumojn super la Atlantika Oceano dum 30 minutoj ĉiujn 2,5 horojn. Ĉar la signalo de la satelito estis malforta, grandaj antenoj estis bezonataj. [2] La unua eksperimenta televida bildo estis elsendita la 11-an de julio 1962. La 23-an de julio, programo estis elsendita, kiu povus esti ricevita en Eŭropo per la sistemo Eurovision (ne temas pri Eŭrovido!) kaj en Nordameriko per la televidretoj lNBC, CBS, ABC kaj CBC. [3] Tiun vesperon, satelito estis uzata por la unua telefona konversacio, Lyndon Johnson parolis kun oficulo de AT&T. [4] La 25-an de oktobro 1962, eksperimento pri datentransigo estis efektivigita inter komputiloj en Usono kaj Francio. Jaron poste, dua satelito, "Telstar 2", estis lanĉita. La sukceso de ĉi tiuj satelitoj malfermis la vojon por la lanĉo de aliaj komunikaj satelitoj kaj la integrado de ĉi tiu nova teknologio en la komunikan sistemon. [5][6]

Satelitlanĉoj sub la nomo Telstar daŭris eĉ post la disfalo de AT&T kaj estis funkciigitaj de la kanada kompanio Telesat.

La satelitoj "Telstar 10" kaj "Telstar 18" estas poziciigitaj por elsendi elsendojn en la orientazia regiono kaj estis transdonitaj al la proprieto de ĉina kompanio.

Referencoj

  1. ↑ 1962-ALPHA EPSILON 1. US Space Objects Registry (2013-06-19). Arkivita el la originalo je 2013-10-05. Alirita 2013-10-02 .
  2. ↑ TELSTAR 1: The First Satellite to Relay Signals from Earth to Satellite and Back : History of Information. Alirita 2024-06-10 .
  3. ↑ IEEE History Center: First Transatlantic Transmission of a Television Signal via Satellite, 1962. IEEE History Center (2002). Arkivita el la originalo je February 23, 2007. Alirita 2009-07-23 .
  4. ↑ Walter Cronkite Telstar. NPR. Alirita 2009-07-23 .
  5. ↑ Video: A Day in History. Telstar Brings World Closer, 1962/07/12 (1962). Universal Newsreel. 1962. Alirita la 20an de februaro 2012.
  6. ↑ Significant Achievements in Space Communications and Navigation, 1958–1964. NASA-SP-93, p. 30–32. NASA (1966). Alirita 2009-10-31 .

Vidu ankaŭ

Eksteraj ligiloj

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.