Roy Kilner
Persona informo
Naskiĝo	17-an de oktobro 1890 (1890-10-17) en Wombwell
Morto	5-an de aprilo 1928 (1928-04-05) (37-jaraĝa) en Kendray
Mortokialo	tifoida febro
Lingvoj	angla
Ŝtataneco	Unuiĝinta Reĝlando Unuiĝinta Reĝlando de Granda Britio kaj Irlando (1801–1922) (–1927)
Okupo
Okupo	kriketisto
v • d • r

Roy KILNER (naskita la 17-an de oktobro 1890 – mortinta la 5-an de aprilo 1928) estis profesia angla kriketisto, kiu ludis en naŭ Testaj maĉoj por Anglio inter 1924 kaj 1926. Tutlertulo, li ludis por la Jorkŝira Kriketa Klubo inter 1911 kaj 1927. En ĉiuj unuaklasaj maĉoj, li faris 14 707 kurojn je meza tempo de 30,01 kaj prenis 1 003 palisetarojn je meze 18,45. Kilner faris mil kurojn en dek apartaj sezonoj, kaj prenis cent palisetarojn en unu sezono kvinfoje. En kvar kazoj li kompletigis la duoblon, t.e. kaj faris 1 000 kurojn kaj prenis 100 wickets en la sama sezono, kion oni rigardas kiel signo de altkvalita tutlertulo.

Kilner unue kriketis por Yorkshire kiel batanto antaŭ la unua Mondmilito, establante regulan ĉeeston en la teamo. Post vundiĝo en la milito, li revenis en 1919 al Yorkshire-a teamo al kiu mankis sende lertaj ludantoj. Rezulte, Kilner komencis ekzerci sin pri sendado ĝis oni alte rigardis lin kiel lanta maldekstrabraka sendisto. Lia agresema batado kaj lia varma personeco faris lin ŝatata kaj de kriketistoj kaj de spektantoj. Pro lia lerteco oni elektis lin por la nacia teamo de Anglio en 1924 kaj por vizito al Aŭstralio por la Serio Ashes de 1924–25. Kvankam li estis la duaranga sendanto de la turniro, lia sendado iom post iom malpli efikis kaj ne ĝenis batantojn ĉe bonaj sendejoj. Oni reselektis lin por la Ashes de 1926, sed malelektis lin por la fina Testo. Kilner plurfoje iris al Barato dum la anglaj vintroj por trejni kriketistojn, kaj en unu tia vojaĝo, en 1928, li malsaniĝis, kaj mortis 37-jaraĝa post sia reveno al Anglio. Lian funebraĵon ĉeestis pli ol cent mil homoj.