Profetino Anna

Profetino Anna
Biblia persono
homa biblia persono Redakti la valoron en Wikidata
Verko Luko 2
Kandelfesto
Informoj
Sekso ina
Okupo profeto
v • d • r

Anna (hebree חַנָּה, malnovgreke Ἄννα) aŭ Anna la profetino estas virino menciita en la evangelio laŭ Luko. Laŭ tiu evangelio, ŝi estis maljuna juda virino kiu profetis pri Jesuo en la Templo de Jerusalemo. Ŝi aperas en Luko 2: 36-38 dum la prezento de Jesuo ĉe la templo, kristane memorigata per la kandelfesto.

Anna ĉe la prezento de Jesuo (dekstre, sub la anĝelo), de Giotto, Kapelo de Scrovegni en Padovo

Nova Testamento

En la evangelio laŭ Luko ŝi menciatas kiel sekve:

Citaĵo
„ Kaj estis unu profetino, Anna, filino de Fanuel, el la tribo de Aŝer (ŝi estis grandaĝa, loĝinte sep jarojn kun sia edzo de post sia virgeco, kaj estinte vidvino okdek kvar jarojn), kiu neniam foriris el la templo, adorante per fastoj kaj preĝoj nokte kaj tage. Kaj alveninte ĝuste en tiu horo, ŝi dankis Dion, kaj parolis pri li al ĉiuj, kiuj atendadis la elaĉeton de Jerusalem.[1] ”

El tiuj tri versoj de Luko, la jeno konatas pri Anna:

  • Ŝi estis profetino.
  • Ŝi estis filino de Penuel (hebree פְּנוּאֵל‎, Pənū’êl, lia nomo havas la signifon "vizaĝo de dio" kaj samas kiel antikva juda loĝloko en nuna Jordanio).
  • Ŝi estis membro de la izraelana tribo de Aŝer.
  • Ŝi estis vidvigita post sep jaroj de geedzeco (ŝia edzo ne estas nomita).
  • Ŝi estis devota judo kiu regule praktikas preĝon kaj faston.

Luko priskribas ŝin kiel "grandaĝa". Kvankam la esperantlingva Londona Biblio klare sugestas ke ŝi ankoraŭ viviss 84 jarojn post kiam la edzo post 7-jara edzeco estis morta, multaj bibliaj versioj kaj malnovaj komentoj deklaras ke ŝi havis sume 84 jarojn,[2][3] kio ankaŭ el biologia vidpunkto pli probablas - ĉiukaze 84 jaroj estas alta aĝo.

Eklezia tradicio kaj adoro

La katolika eklezio kaj la Orientaj ortodoksaj eklezioj memorfestas ŝin kiel sanktulo "Anna la profetino". La orientaj ortodoksaj eklezioj konsideras ke ŝi kaj Simeon, saĝa maljuna viro kiu kun ŝi estas en la templo kiam alportatas la beba Jesuo, estas la lasta profetoj de la Malnova Testamento. Ambaŭ havas sian memorfestan tagon la 3-an de februaro, la tagon post la tradicia memoro de la kandelfesto.

Notoj

  1. ↑ esperantlingva traduko laŭ la Londona Biblio
  2. ↑ John McClintock, James Strong: Cyclopædia of Biblical, Theological, and Ecclesiastical Literature, volumo 1, paĝo 235 (angle)
  3. ↑ noto en la biblia vortaro Easton Dictionary (same angle)

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.