Morojo
Persona informo
Naskiĝo	20-an de junio 1904 (1904-06-20) en Fenikso
Morto	30-an de novembro 1964 (1964-11-30) (60-jaraĝa)
Tombo	29 Palms Public Cemetery (en)
Lingvoj	Esperanto • angla
Okupo
Okupo	pentristo kostumdezajnisto esperantisto
v • d • r

Myrtle Rebecca Smith Gray Nolan, naskiĝnomo Myrtle R Douglas, konata en la historio de sciencfikcio kiel Morojo, sia karesnomo en Esperanto (naskiĝis la 20-an de junio 1904 en Fenikso - mortis la 30-an de novembro 1964 en Patton, Kalifornio) estis japandevena usona inventinto de kosplejo (angle: cosplay, japane: コスプレ - kosopure), eldonisto de fanzinoj pri la temo kaj siatempe tre aktiva esperantistino en Los Angeles^[1].

Morojo, kune kun Forrest J Ackerman, estis tre engaĝita en la produktado de Voice of the Imagi-Nation (kiu en 1996 ricevus la premion Retro Hugo for Best Fanzine of 1946 (Retro Hugo por Plej Bona Fanrevuo de 1946); kaj ankaŭ estis nomumita por la premioj Retro Hugo por Plej Bona Fanrevuo de 1939, 1941 kaj 1943) kaj Novacious (nomumita por la Retro Hugo de 1941), same kiel Fancyclopedia de Jack Speer.

Ŝi kontribuis al fanrevuoj de Ackerman kaj aliaj, kaj publikigis sian propran esperantlingvan fanrevuon Guteto de 1941 ĝis 1958 por la Fantasy Amateur Press Association (de kiu ŝi estis fondinta membro).

Ŝia nevino kaj kunfano, Patti Gray, konata per la esperantlingva kromnomo "Pogo", redaktis tion en 1940, kio estas konsiderata "ŝajne la unua tute ina fanzino, Pogo's "STF-ETTE", kies kontribuintoj inkluzivis Morojo-n kaj (en ĝia dua numero) kaj Leigh Brackett. Morojo funkciis kiel kasisto kaj en aliaj roloj por la Los Angeles Science Fantasy Society dum multaj jaroj.

Esperanto

Ackerman kaj Morojo estis aktivaj esperantistoj (ili renkontiĝis ene de la Esperanto-movado) kaj la nomo, per kiu Morojo estis konata en la fanklubo, En Esperanto la nomoj de la konsonantoj konsistas el la konsonanto mem plus la litero "o"; tiel "Morojo" = "MRJ". Morojo estas ankaŭ karesnomo kiu konsistas el la inicialoj de Myrtle Rebecca, literumitaj, sekvata de la Esperanto-silabo jo kiel diminutivo, samtempe la meza inicialo de sia koramiko Forrest J. Ackerman: "J", prononcite "JO" en Esperanto ^{[2] [3] [4]}.

Ŝi kaj sia koramiko Ackerman disiĝis komence de la 1940-aj jaroj (origine pro tio ke ŝi ne haltis fumadon, kvankam tiu kverelo rapide solviĝis) ^[5] kaj restis fremdiĝintaj ĝis ŝia morto.

Kune kun sia tiama koramiko Ackerman, ŝi ĉeestis la 1-an mondkongrson pri sciencfikcio en Novjorko en 1939 vestita per "futurecaj kostumoj", inkluzive de verda mantelo, referanta al la koloro de la espero kaj esperanto kaj ĝisgenua pantalono, bazitaj sur la artaĵoj de Frank R. Paul en pulpaj magazinoj kaj en la filmo *Things to Come* el 1936, kiujn desegnis, kreis kaj kudris Morojo^[6][7]. Ackerman poste deklaris, ke li pensis, ke ĉiu supozeble portu kostumon ĉe sciencfikcia kongreso, kvankam nur li kaj Morojo faris tion^[8]. Ĉe la 1-a mondkongreso en Novjorko ŝi ankaŭ distribuis ekzemplerojn de ŝia propra fanrevuo Stephan the STFan, kreita speciale por la novjorka kongreso.

En 2016, la International Costumers' Guild (Internacia Kostumista Gildo) agnoskis Morojon kiel la "Mother of Convention Costuming” (Patrinon de kongresa kostumado) per videopremia prezento ĉe la dua MidAmeriCon, la 74-a Monda Kongreso^{[9] [10]}

Ŝi naskiĝis la 20-an de junio 1904 en Fenikso, Arizono, al Robert Douglas kaj Lillie Dell (Kilpatrick) Schutz.

Ŝi edziniĝis tri fojojn: al Virgil Van Buren Smith, Henry Willis Gray, kaj, fine, al John Arthur Nolan. Ŝi havis filon, Virgil Roger Douglas (naskita kiel Smith). Ŝi mortis la 30-an de novembro 1964, 60-jaraĝa, en Patton, Kalifornio, pro ne konataj kaŭzoj, kaj estis entombigita en la 29 Palms Public Cemetery, tombejo en Twentynine Palms, Kallifornio^[11].

Tiu ĉi artikolo estas tradukita surbaze de la samnoma angla vikipedia artikolo, listo de kontribuintoj.

1. ↑ (eo) Guteto el Usono legologos per abonklubo, Libera Folio, la 14-an de aprilo 2026.
2. ↑ (en) Warner, Jr., Harry. All Our Yesterdays Chicago, Advent:Publishers, 1969, pg. 248
3. ↑ (en) Cheng, John (2013). Astounding Wonder: Imagining Science and Science Fiction in Interwar America. University of Pennsylvania Press. p. 244. ISBN 9780812222937.
4. ↑ (en) Ackerman J. Forrest "I Remember Morojo", Los Angeles, privata dokumento, la 11-an de Februaro 1965.
5. ↑ (en) Unger, Julius. "Ramblings". Fantasy Fiction Field Vol. 9 #18 (whole #159), la 7-an de Februaro 1944; p. 6
6. ↑ (en) KYLE, David (SF-verkisto, Decembro 2002). "Caravan to the Stars". Mimosa (29)
7. ↑ (en) Culp, Jennifer (2016-05-09). "Meet the Woman Who Invented Cosplay Arkivigite je 2023-10-24 per la retarkivo Wayback Machine". eld. Racked. Alirite la 11-an de majo 2016.
8. ↑ (en) Painter, Deborah (2010). Forry: The Life of Forrest J Ackerman. McFarland. pp. 37–39. ISBN 9780786448845.
9. ↑ (en) "Myrtle R Douglas: Mother of Convention Costuming" (video). youtube.com. International Costumers’ Guild (ICG). la 19-an de Aŭgusto 2016.
10. ↑ (en) Gust, Philip (Septembro–Octobro 2016). "Myrtle R Douglas: Mother of Convention Costuming". The International Costumer, Volume 15, n-ro 5. International Costumers’ Guild (ICG). pp. 7–8. Alirdato: la 28-an de Augusto 2018.
11. ↑ (en) "Services Set For Resident of Morongo Valley". Hi-Desert Star. la 3-an de Decembro 1964. p. 6. Alirdato: la 12-an de Februaro 2023 – via Newspapers.com.

• 29 Palms Public Cemetery
• Morojo ĉe la Internet Speculative Fiction Database