Hvalba
setlejo vd
Administrado
Poŝtkodo	FO 850
En TTT	Oficiala retejo [+]
Demografio
Loĝantaro	599  (2021) [+]
Geografio
Geografia situo	61° 36′ N, 6° 57′ U (mapo)61.601944444444-6.9494444444444Koordinatoj: 61° 36′ N, 6° 57′ U (mapo) [+]
Horzono	GMT [+]
DEC Situo de Hvalba
Alia projekto
Vikimedia Komunejo Hvalba [+]
v • d • r

Hvalba estas vilaĝo sur insulo Suðuroy de Ferooj. Administre ĝi apartenas al distrikto Hvalba, al kiu apartenas ankaŭ la vilaĝo Sandvík – tute en nordo de la suda insulo – kaj la neloĝata insulo Lítla Dímun. La distrikto entute havis ĉe fino de 2002 precize 767 loĝantojn.

Geografie, Hvalba situas sur 2 km mallarĝa istmo, Norðbergseiði, kaj havas po unu aliron al la okcidenta kaj orienta bordoj de la insulo. La vilaĝo mem troviĝas do ĉirkaŭ, fino de la golfo Hvalbiarfjørður ĉe la orienta bordo.

La loko estas jam loĝata ekde la vikinga epoko. Simile al aliaj vilaĝoj de Suðuroy, Hvalba estis same atakita fare de piratoj, en la 17-a jarcento. En 1629, tri piratŝipoj el norda Afriko atakis la vilaĝon. Post kiam ili forlasis la insulon, du el ili rompiĝis sur la maraj rokoj. Laŭ tradicio, la marondoj bordo-ĵetis 300 kadavrojn. Apud la bordo ekzistas loko, nomata Turkargravir, kie oni entombigis ilin. La piratoj forprenis tridek infanojn kaj virinojn por vendi ilin kiel sklavojn en norda Afriko. Oni lanĉis monkolektan kampanjon sur Ferooj por liberigi ilin, sed tio fine nesukcesis, ili neniam revenis al la insuloj.

En la montoj ĉirkaŭ la nuna suda tunelo, oni minis ekde la 1770-aj jaroj brunan karbon el profundaj kaj malfacile alireblaj ŝaĥtoj, kiu estis grava energia fonto ĝis fino de la 2-a mondmilito. Kelkaj ministoj laboras eĉ hodiaŭ en la minejoj.

Al la najbaraj vilaĝo, ĝi estas ligita per du tuneloj: la 1450 m longa Hvalbiartunnilin (plej malnova tunelo de Ferooj, konstruita en 1963) sude al Trongisvágur kaj Tvøroyri; dum la 1500 m longa Sandvíkartunnilin norde al Sandvík.