Galindoj
| Galindoj | |
|---|---|
| historia etno | |
| Ŝtatoj kun signifa populacio | |
La galindoj (latine galindi, galindite, ankaŭ galindae; greke Γαλίνδαι (galindai); prapruse galindis; litove galindai; germane Galinder) estis okcidenta balta tribo en la sudokcidento de la antaŭa Orienta Prusio kaj en la nordoriento de la nuntempa Pollando.
Ili parolis sudorientan dialekton de la praprusa lingvo, situis sude de la tradicia teritorio de la praprusoj kaj foje konsideratas kun la orientaj najbaraj jotvingoj loĝantoj de la antikva regiono Sudovio, foje konsideratas pli okcidentaj najbaroj. Sume la galindoj kun la pli orientaj jotvingoj kategoriiĝas baltoj proksimaj al la praprusoj, sed distingaj.[1] Ŝajnas ke signifa parto de la galindoj jam fine de la 2-a jarcento kadre de la Migrado de nacioj aliĝis al la plumigrantaj gotoj kaj kun ili alvenis ĝis la iberia duoninsulo.[2]
La genta nomo unue aperas meze de la dua jarcento en greka formo Γαλίνδαι (galindai) de la bizanca antikva akademiulo Ptolemeo - kune kun la jotvingoj aŭ sudovoj, greke nomataj Σουδινοί (sudinoi). La germana monaĥa pastro kaj kronikisto Peter von Dusburg uzis la latinan esprimon Galindite (kune kun la sudovoj, Suduwite) en sia Chronica Terrae Prussiae de 1326 kaj kronike mencias ilin ekde la jaro 1231. La Ordeno de germanaj kavaliroj venkis la galindojn nur tute fine de la 13-a jarcento, post la praprusoj, do kiam la kroniko de Peter von Dusburg verkiĝis, ili jam estis venkitaj.
Referencoj
- ↑ Zigmas Zinkevičius, Marytė Černelienė, Bronius Makauskas, Petras Maksimavičius, Sigitas Birgelis, Juozas Sigitas Paransevičius, Palmira Mikėnaitė, Birutė Burdinaitė-Ołów, Taida Balčiūnaitė: (2009) Terra Jatwezenorum: Jotvingių krašto istorijos paveldo metraštis (jarlibro de la historia heredaĵo de la jotvinga regiono) (litove). eldonejo Punsko „Aušros“ leidykla.
- ↑ Luis A. García Moreno: Una hipótesis germanista en los orígenes de Aragón. En: Anuario de Historia del Derecho Español (AHDE) 67. 1997, paĝoj 633–641, ĉi tie paĝo 634 kaj sekvaj diĝite, li nomas la tribon galindos.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.