Cinfães
municipo de Portugalio vd
Flago	Blazono
Administrado
Poŝtkodo	4690
En TTT	Oficiala retejo [+]
Demografio
Loĝantaro	20 427  (2011) [+]
Loĝdenso	85 loĝ./km²
Geografio
Geografia situo	41° 4′ N, 8° 5′ U (mapo)41.066666666667-8.0833333333333Koordinatoj: 41° 4′ N, 8° 5′ U (mapo) [+]
Areo	239,29 km² (23 929 ha) [+]
Horzono	UTC±00:00 [+]
DEC Situo de Cinfães
Alia projekto
Vikimedia Komunejo Cinfães [+]
v • d • r

Cinfães estas urbo de Portugalio, situanta en la plej nordokcidenta pinto de la Distrikto Viseu, Centra regiono kaj la subregiono Viseu Dão-Lafões. Ĝi havas ĉirkaŭ 3 000 loĝantojn (2021).

Ĝi estas sidejo de la municipo Cinfães, kiu havas totalan areon de 239,29 km², kaj 17.730 loĝantojn (2021), subdividita en 14 fregezioj. La municipa teritorio limas norde kun Marco de Canaveses kaj Baião, oriente kun Resende, sude kun Castro Daire kaj Arouca kaj okcidente kun Castelo de Paiva. La teritorio estas tute sude de la rivero Douro kaj ĝis la montaro Serra de Montemuro (sude), dum la sidejo mem estas apud la rivero kaj apud la ŝoseo 222 kiu bordas laŭ la maldekstra bordo ĝis Lamego oriente.

Prahistorian loĝadon atestas kastrumoj kaj monumentaj megalitoj troviĝantaj en la municipo. El la romia epoko estas disaj restaĵoj, sed jam en la 6-a jarcento a.n.e., estis naviga komerco laŭ la rivero Douro inter grekoj kaj hispanoj. Kvankam ĝermanoj ja loĝis en la areo, la islamanoj ne lasis multajn restaĵojn tie. La areo de Cinfães estis konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro. Post la fondo de la Reĝlando Portugalio (en 1143), ekis administracia organizado, per kreado de municipoj.

La historia de Cinfães estis ligita al la Templanoj, kiuj tie posedis fortikaĵojn, kiel la Turo de Chã aŭ Turo de Pintos, kaj ĉefe ĉe Santiago de Piães; kaj ankaŭ al la infanaĵo de El-Rei D. Afonso Henriques kaj lia tutoro Egas Moniz. Cinfães aperis en dokumentoj inquirições de D. Afonso la 3-a (1258) kaj D. Diniz (1288), kaj donis foruon D. Manuelo la 1-a en Lisbono, en la 1a de Majo 1513. La komarkon Cinfães estis poste kreita per dekreto de 24a de Oktobro 1855 enhavante la fregeziojn de tiu municipo kaj de Sanfins da Beira – tiam nuligita. Elstaras la romanikaj preĝejoj kaj arkitekturo de la 17-a kaj 18-a jarcentoj, videbla ĉefe en la senjordomegoj.

En la unua duono de la 20-a jarcento la loĝantaro estis stabila kaj atingis preskaŭ 36 000 loĝantojn en 1950, sed poste malpliiĝis iomete pro elmigrado ĝis nunaj 17 000 loĝantoj, tio estas, oni perdis duonon.

Cinfães havas la jenajn fregeziojn:

En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.

• Romanikaj preĝejoj de São Cristóvão de Nogueira; de la Senhora de Cales aŭ Cádiz; de Nossa Senhora da Natividade de Escamarão; de Tarouquela;
• Muzeo Serpa Pinto
• Kastrumo de Coroas
• Murego de Portas do Montemuro
• Gravuraĵoj en granito kaj Pilorio de Cinfães
• Pilorio de Nespereira
• Domo Casa da Calçada en Oliveira do Douro
• Insuleto Ilhota do Outeiro en Souselo

• 
  Romanika preĝejo de Tarouquela.
• 
  Preĝejo de São Cristóvão de Nogueira.
• 
  Murego de Portas do Montemuro.
• 
  Muzeo Serpa Pinto.
• 
  Domaro Pias.
• 
  Stratoj de Pias.
• 
  Alhões.
• 
  Bustelo.
• 
  Rivero Bestança, Akvofalo de Pias.

• Municipo de Cinfães
• Birdobservado en Serra de Montemuro

• En tiu ĉi artikolo estas uzita traduko de teksto el vikipedia artikolo Cinfães portugale.