Catharus
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
Aliaj Vikimediaj projektoj
| ||||||||||||
Catharus estas genro de birdoj de la familio de Turdedoj. Ĝi enhavas la malgrandajn, ĉefe insektomanĝantaj aŭ ĉiomanĝantaj migrantaj turdoj de Nordameriko kaj la nomataj najtingalturdoj de Centrameriko kaj Sudameriko. Ties plej proksima parenco estas la Hilociklo de la monotipa genro Hylocichla (Winker & Pruett, 2006) kiu foje estas enmetita en la genro Catharus.
Tiuj estas ĉefe arbaraj birdoj kun grandaj okuloj, rektaj fajnaj bekoj kaj flutecaj voĉoj.
Tiu estas tipa amerika turdogenro, kvankam ankaŭ reprezentantoj de aliaj turdogenroj, kiej la veraj turdoj (Turdus) loĝas en la regiono, ĉefe en Centrameriko kaj Sudameriko.
Sistematiko
La specioj de la genro Catharus estas longdistance migrantoj aŭ preskaŭ loĝantaj birdoj. Ili estis foje disigataj laŭ tio kaj laŭ karakteroj de morfologio, kio inkludas foje ankaŭ la Hilociklon. Komparo de informo pri DNA indikas, ke tio estas malĝusta (Winker & Pruett, 2006).
Pro adaptaj postuloj de sendepende akirita longdistanca migranta vivstilo, kelkaj ŝajnaj morfologiaj similaĵoj inter supozeble rilataj specioj estas fakte ŝuldataj al konverĝa evoluo. Ŝajne la genro originiĝis en tropikaj aŭ subtropikaj ekosistemoj de arbaroj de norda Centrameriko, kaj tiele ofte diversaj specioj diverĝis por setligi pli nordajn regionojn, sinsekve deviĝontaj migri suden vintre al pli manĝoriĉa habitato. La plej antikva de tiuj nordaj diverĝoj estas probable tiu de la Olivdorsa najtingalturdo, kaj la plej ĵusaj tiuj de la grupo de la tri unuaj specioj en la tabelo fuscescens-minimus-bicknelli kiu estas aro de kamuflaj specioj.
La najtingalturdoj estas ankaŭ parafiletikaj. Dum la grupo de aurantiirostris-fuscater/mexicanus-dryas ja formas distingan stirpon – probable vivante proksime al la origina centro de la genro – la Ruĝecbruna najtingalturdo estas proksima al la Ermita turdeto. La Ruĝkrona najtingalturdo estas proksima al la komplekso de la Grizvangaj turdoj, dum la Nigrabeka najtingalturdo estas proksime al ambaŭ stirpoj kaj de la najtingalturdoj kaj de la migrantaj. La Olivdorsa najtingalturdo ne havas proksimajn vivantajn parencojn.
La specioj estas la jenaj:
- Salikoturdo, Catharus fuscescens
- Grizvanga turdo, Catharus minimus
- Biknela turdo, Catharus bicknelli
- Ruĝkrona najtingalturdo, Catharus frantzii
- Nigrabeka najtingalturdo, Catharus gracilirostris
- Ermita turdeto, Catharus guttatus
- Ruĝecbruna najtingalturdo, Catharus occidentalis
- Olivdorsa najtingalturdo, Catharus ustulatus
- Oranĝabeka najtingalturdo, Catharus aurantiirostris
- Ardezdorsa najtingalturdo, Catharus fuscater
- Nigrakapa najtingalturdo, Catharus mexicanus
- Punkteca najtingalturdo, Catharus dryas
Referencoj
- American Ornithologists' Union (AOU) (1998): Check-list of North American Birds (7th ed.). American Ornithologists' Union, Washington, D.C.
- Stiles, F. Gary & Skutch, Alexander Frank (1989): A guide to the birds of Costa Rica. Comistock, Ithaca. ISBN 0-8014-9600-4
- Winker, Kevin & Pruett, Christin L. (2006): Seasonal migration, speciation, and morphological convergence in the avian genus Catharus (Turdidae). Auk 123(4): 1052-1068. [Artikolo en angla kun hispana resumo] DOI: 10.1642/0004-8038(2006)123[1052:SMSAMC]2.0.CO;2 PDF plena teksto Arkivigite je 2008-10-28 per la retarkivo Wayback Machine
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.