Roger Pono

Si Rogelio Suico Pono, usa ka magsusugilanon, magbabalak ug nobelista, natawo sa Dakbayan sa Sugbo kaniadtong 1941 sa ginikanang Santiago Villa Pono ug Prima Tecling Suico nga mga negosyante ug panadero.

Ang una niyang edukasyon nakab-ot sa Elementarya sa Bato, Leyte diin siya magdako. Natapos ang iyang kurso nga AB sa St. Michael College sa Hindang, Leyte sa 1964, isip usa ka working student. Nakalabang sa pasulit sa serbisyo Sibil sa Career Servise Professional kaniadtong 1968.

Iyang gugma sa Binisaya

Ang kaikag ni Roger (Boy sa kahigalaan) sa pagbasa sa Binisaya nagsugod sa segundo grado pa siya diin ang balay ni anhing Teofilo Palen nga puno sa Bisaya Magasin, Alimyon, Saloma ug Lamdag iyang duktan pagbasa gikan sa tunghaan hangtod sa kilumkilom nga magsuga lamag lamparilya.

Nahuptan niya ang unang trabaho isip usa ka election clerk sa Comelec. Senior clerk usab sa Department of Public Information sa 1973 hangtod nga nahimong feature editor dihang ang DPI nahimong Office of Media Affairs, apan sa 1987 migawas sa trabaho kay giingogan na sa sobrang pamolitika diha sa buhatan sa kagamhanan lakip na ang pagpanggukod sa mga kaatbang. Natudlo siya nga editorial assistant sa Southern Outlook Magazine, associate editor sa Habagatan, publisher ug associate editor sa Bantayan sa Hari, editor sa Tubod, Kahayag, Sugid, Hiyas, ug Kaliwat Magazine. Nahimong magsisibya ug co-anchor sa pipila ka programa sa radyo. Nakatambong usab siyag daghang nagkalainlaing seminar-workshop lakip na ang pagpanulat.

Mga ganti ug pasidungog

Nakadaog siyag upat ka unang ganti: 2 sa balak, 1 sa sugilanon ug 1 sa artikulo; siyam ka ikaduhang ganti: 3 sa artikulo, 3 sa balak, 1 sa sugilanon, 1 sa sugilagming ug 1 sa Usa-ka-Akto nga Drama; napulo ka ikatulong ganti: 4 sa sugilanon, 3 sa balak, 1 sa mubong nobela, 1 sa gumalaysay ug 1 sa artikulo.

Napili usab siya nga Debater of the Year ug Poet of the Year (1962-63) sa St. Michael College.

Mga nobela

Nasulat niya ang mga nobelang (prosa) "Nagdilaab nga .45", Ang Samurai nga Bulawan", "Magic Makinilya", "Isla V", "Treasure Hunter", ug "Dearest Hope" nga pulos napatik sa Bisaya Magasin.

Siya ang Pamuno sa BATHALAD sa tuig 1992-93.

PAGKAKARON

Si Roger usa sa mga tigduma sa programa sa radyo nga Sugbuanon Na Ni sa DyAB 1512 Abante Bisaya.

Tan-awa usab

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.