«Без Биле́та» (бел.: Без Білета, раней beZ bileta) — беларускі музычны гурт, заснаваны ў 1998 годзе.[1][2]
Гісторыя
Каманда створана Віталем Артыстам у 1998 годзе.[3] Пачынаў гурт з беларускамоўнага фолку, але з 2004 году перайшоў да інды-року са складанымі электроннымі аранжыроўкамі.[4] У 2005 годзе быў абраны кірунак на некаторае спрашчэнне гучання, якое, разам з тым, стала больш насычаным. Тры перыяда творчай эвалюцыі «beZ bileta» ілюструюць альбомы «На неба» (2001) і «Нарисована» (2004)[5] і сінгл «Поправка 22» (2006)[6]. Самі удзельнікі гурта характарызуюць сваю музыку як smart-pop.
Шматразова былі ўзнагароджаныя прэстыжнай беларускай музычнай прэміяй «Рок-каранацыя» ў намінацыях «Дэбют года» (2000), «Песня года» (2001, «Мая краіна Беларусь»[7][8]), «Выканаўца года» (2008, Віталь Артыст), «Кліп года» (2008, «Мечтатели»), а таксама ў 2009: Рок-Карона (гурт года), «Кліп году» («Африка»), «Альбом году» («Africa»)[9]. Гурт мае каштоўны досвед выступлення на фестывальных пляцоўках Беларусі («Славянскі Базар»), Польшчы («Басовішча», «Fiesta Borealis» (разам з Jitters і Hair Peace Salon[10][11][12][13]), Італіі («Spirit of Woodstock»), Германіі («Good-By»).
28 снежня 2019 года ў «Мінск-Арэне» адбудзецца юбілейны і апошні канцэрт пад назвай «20 гадоў»[14].
Творчасць
Кліпы
У «відэаскарбонцы» «beZ bileta» — і анімацыйныя працы («Stop Business», «Шла дальше»), і арт-відэа («Нарисована», «Смотреть вверх»), і сюжэтны ролік «Лодочки». Маляваны кліп «Шла дальше» (режысёр Таня Кушнер, мастак Дзяніс Волкаў) удзельнічаў у анімацыйных фестывалях у Нідэрландах, Чэхіі, Італіі, Вялікабрытаніі, Аўстраліі. Кліп «Место для тебя» выйшаў увесну 2006 году, асновай роліка сталі фатаздымкі ўдзельнікаў гурта, яго сяброў і проста людзей, неабыякавых да «beZ bileta».
Віталь Артыст
Лідар «beZ bileta» Віталь Артыст вядомы як аўтар саўндтрэку да расійскага фільма 2006 года «Охота на пиранью». Віталь таксама піша музыку да сэрыялаў («Мужчины не плачут»), тэатральных пастановак (спектакль «После» мінскага тэатра «ИнЖест»), тэлепраектаў (новы сезон вядомага цыкла «Саша и Сирожа»), мультфільмаў і рэкламы. Восенню 2006 года Артыст скончыў працу над саўндтрэкам да расійскага сэрыяла «Супермаркет», які выйшаў напачатку 2007 году[15].
Дзень безбілетніка
Гурт вядомы штогадовым святкаваннем «Дня безбілетніка» з удзелам саміх музыкаў, іх прыхільнікаў і ўсіх, хто хоча далучыцца да пазітыўнай і крэатыўнай дзеі[16]. Бясплатная раздача дыскаў у абмен на штрафную квітанцыю; міні-канцэрт па тэлефоне для ўсіх, хто патэлефанаваў[17]; конкурс рэміксаў на песні «beZ bileta», у якім удзельнічаюць музыкі з розных краінаў свету; конкурс кавераў — такія акцыі ладзіліся Віталём Артыстам і яго камандай.[18] Так, пераможца акцыі «Дзень безбілетніка 2006» змог выступіць разам з гуртам на канцэрце, які прайшоў 10 лістапада ў мінскім клубе «Рэактар».[19][20]
У 2007 годзе Дзень безбілетніка быў адсвяткаваны ў канцэртнай зале «Мінск», і «Chiefs Band», «Hair Peace Salon», «Плато» і Атморави(руск.) (бел. выйшлі на сцэну, каб павіншаваць «Без Билета» і спець яго каверы[21].
Ацэнкі
Таццяна Заміроўская дала ў 2008 годзе ў сваёй калонцы на «БелаПАН» такую ацэнку творчасці гурта: «У 1999-м сапраўдным шокам было з’яўленне „Без Билета“ — я люблю іх да гэтага часу, няхай у іх засталося не так ужо і шмат таго, што так прыцягвала ў іх у той час»[22].
↑Ружечка, Александр; Декола, Надежда; Незванов, Анатолий. Вход свободный(руск.). СБ. Беларусь сегодня (24 красавіка 2010). Архівавана з першакрыніцы 5 лютага 2020. Праверана 5 лютага 2020.
