La ciudá asítiase nel valle del ríu Mosa, al este de Bélxica, cerca la frontera con Países Baxos (Maastricht allúgase 33 km al norte d'ella) y con Alemaña (Aquisgrán ta a 53 km al noreste). El ríu Mosa xúntase na ciudá col ríu Ourthe. Liexa ye parte del nomáu sillon industriel, l'antiguu corazón industrial de Valonia, y ye entá el principal centru cultural ya económicu de la rexón.
El so conceyu inclúi les antigues comnceyos d'Angleur, Bressoux, Chênée, Glain, Grivegnée, Jupille-sur-Meuse, Rocourt y Wandre, y tien alredor un área metropolitana de 1,879 km² d'estensión con una población, en 2008, de 749.110 habitantes repartíos en 52 conceyos.
