Léa Pool

D Léa Pool (* 8. Septämber 1950 z Gämf) isch e schwyzerisch-kanaadischi Filmreschiseeri un Draibuechautoori.

Lääbe

D Léa Pool isch z Lausanne ufgwagse. Anne 1975 isch si uf Kanada gange, go s Filmhandwäärch leere. Si het an dr Université du Québec z Montréal aafange studiere un 1978 iren Abschluss gmacht.

Im schwarz-wysse Chuurzfilm Strass Café (1980) het si d Reschy gfiert, s Draibuech gschriibe un het en au sälber broduziert. As Schauspiileri het me si in Remake (1987), Hotel Chronicles (1990) un em Dokumäntaarfilm Filmer le désir (Die Lust im Blick – Frauen machen Kino, 2001) chenne sää. In dr 1990er Joor het si bi verschiidene Dokumäntaarfilm un Fäärnseebrodukzioone z Québec Reschy gfiert. Fir La Demoiselle sauvage isch si in d Schwyz retuur chuu.

Anne 1999 isch dr Film Emporte-moi (Emporte-moi – Nimm mich mit) mit dr Karine Vanasse un dr Pascale Bussières entstande, wu si d Schwiirigkaite vum Erwagsewääre zaigt het. Ire eerscht änglischsproochig Film isch s Teenagerdraama Lost and Delirious (2001) rund um d Liebi zwische zwoo Maidli gsii. D Draiaarbete zum dramaatische Abentyyrfilm The Blue Butterfly (Das Geheimnis des blauen Schmetterlings) mit em William Hurt sin z Costa Rica gsii.

Anne 2008 het si in dr kanaadische Stadt Beloeil z Québec dr Film Maman est chez le coiffeur drillt, d Isabelle Hébert het s Draibuech gschreiibe. D Marianne Fortier het d Hauptroll vun ere Juugedlige gspiilt, derzue hän au no d Céline Bonnier, dr Gabriel Arcand un dr Laurent Lucas mitgspiilt.

Vyyl Film vu dr Léa Pool sin bi internazionaale Filmfeschtiwäl erfolgryych gsii, unter anderem am Toronto International Film Festival an an dr Berlinale.

D Pool isch lesbisch un tematisiert in ire Film allritt Erfaarige rund um glyychgschläächtligi Bezieige un Identiteetssuech. 2016 isch si bim schwuul-lesbische Filmfeschtiwäl Pink Apple mit em Pink Apple Award uuszaichnet woore. S Filmpodium Züri het iire Aarbet zue däm Aaloss e meedäägigi Retroschpektiiv gwidmet.[1][2][3][4][5]

D Pool isch Adoptiivmueter vun eme Maidli.

Filmografy

Reschy
  • 1978: Laurent Lamerre, portier
  • 1980: Strass Café
  • 1984: La Femme de l’hôtel
  • 1986: Anne Trister
  • 1988: À corps perdu (noch em Romaan Kurwenal ou la Part des êtres vum Yves Navarre)
  • 1990: Hotel Chronicles
  • 1991: Montréal vu par …
  • 1991: La Demoiselle sauvage (noch em glyychnamige Buech vu dr S. Corinna Bille)
  • 1992: Rispondetemi
  • 1994: Mouvements du désir
  • 1998: Gabrielle Roy
  • 1999: Emporte-moi
  • 2001: Lost and Delirious
  • 2004: The Blue Butterfly
  • 2008: Maman est chez le coiffeur
  • 2010: La Dernière Fugue
  • 2015: La Passion d’Augustine
  • 2016: Double peine
  • 2017: Et au pire, on se mariera (Worst case, we get married) mit dr Sophie Bienvenu
  • 2024: Hôtel Silence
Draibuech
  • 1980: Strass Café
  • 1984: La Femme de l’hôtel
  • 1986: Anne Trister
  • 1988: À corps perdu
  • 1990: Hotel Chronicles
  • 1991: La Demoiselle sauvage
  • 1994: Mouvements du désir
  • 1998: Gabrielle Roy
  • 1999: Emporte-moi – Nimm mich mit
  • 2017: Et au pire, on se mariera (Worst case, we get married)

Uusglääseni Uuszaichnige

  • 1984: Toronto International Film Festival fir La Femme de l’hôtel
  • 1998: Gemeaux Award fir Gabrielle Roy
  • 1999: Toronto International Film Festival fir Emporte-moi
  • 1999: Special Prize of the Ecumenical Jury an dr Berlinale fir Emporte-moi
  • 2000: Speziaalbryyss beim Prix Jutra fir Emporte-moi
  • 2000: Sarajevo Film Festival fir Emporte-moi
  • 2000: Schwyzer Filmbryys fir Emporte-moi
  • 2001: Publikumsbryys bim Stockholm International Film Festival fir Lost and Delirious
  • 2013: Order of Canada
  • 2016: Pink Apple Festival Award
  • 2017: Franzeesischi Filmdääg Dibenga-Stuegert, Bryys vu dr Juugedjury

Fueßnote

  1. ↑ Filmpodium. Abgruefen am 12. Juli 2022 (Schwiizer Hochtüütsch).
  2. ↑ Léa Pool als Höhepunkt am Filmfestival «Pink Apple». Abgruefen am 12. Juli 2022.
  3. ↑ Filmpodium: Léa Pool. Abgruefen am 12. Juli 2022 (Schwiizer Hochtüütsch).
  4. ↑ Indiewire, Indiewire: INTERVIEW: Canadian Léa Pool Tells Authentic Tale of Youth, Sex, and Anna Karina. In: IndieWire. 12. April 2000, abgruefen am 12. Juli 2022 (änglisch).
  5. ↑ Urs Bühler: Wunden und Wunder der Kindheit | NZZ. In: Neue Zürcher Zeitung. (nzz.ch [abgerufen am 12. Juli 2022]).
Dä Artikel basiert uff ere fräie Übersetzig vu dere Version vum Artikel „Léa_Pool“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.