Lisa Gertsch

D Lisa Gertsch (* 1992 z Bärn) isch e Schwyzer Reschiseeri, Draibuechautoori un Filmbrodezänti. Fir iri Aarbet isch si scho ne baar Mool uuszaichnet woore.

Lääbe

D Gertsch het iri Matura in Filesefy gmacht un het druf as Brodekzioonsassischtänti am Filmhuus Bärn gschafft.[1] Vu 2013 bis 2017 het si ne Bachelorstuudium im Fach Film an dr Zürcher Hoochschuel vu dr Chinscht (ZHdK) gmacht.[2] Anne 2023 het si deert e Masterabschluss im Fach Reschy gmacht.[2] Syter anne 2023 isch si Dozänti fir s Fach Draibuech an dr ZHdK.[2] Si isch Mitgliid vum Kolläktiiv Sabotage z Züri.[3] Si schafft as Reschiseeri un Driabuechautoori in dr Schwyz un z Dytschland.[2]

ire filmisch Schaffe

Mit irem Chuurzfilm Fast Alles (2017) het si 2018 dr Student Academy Award («Studäntenoscar») in dr Kategory Narrative gwunne.[2] Dr Film verzellt d Gschiicht vun eme Baar: Dr Mann (Michael Neuenschwander) lyydet an dr Alzheimer-Chranket; sy Frau (Oriana Schrage) stoot vor dr schwiirigen Entschaidig, iin in e Bflääghaim z bringe. Doch statt des z due, entschaidet si s Baar fir e Uurlaub am Meer, zum no mool d Zyt as normaal Eebaar z gnieße. Dr Film lyychtet d Rusfoorderige un emezionaale Memänt uus, wu mit ere frieje Alzheimer-Diagnoos verbunde sin. Dr Film het 2017 dr Winterthurer Chuurzfilmbryys gwunne[4] un isch 2019 nomeniert gsii fir dr Schwyzer Filmbryys.

Ire Film Electric Fields (2024) isch en episoodische Schwarz-Wyss-Film, wu Draum un Realiteet verschmulze sin un wu s Absuurd un s Fantastisch zelebriert wiird.[5] Doodin wääre Elemänt wie Voogelschwäärm, wu si zue yyserne Magneetfälder verwandle, un en Mann, wu ne Jooreszyt im Wald verschlooft un mischteriees in eme See verschwindet, bruucht zum e surreaali Wält schaffe.[5] Dr Film isch 2024 bim Filmfeschtiwäl Max Ophüls Bryys e baar Mool uuszaichnet woore: as beschte Spiilfilm, fir s bescht Draibuech (Fritz-Raff-Draibeuchbryys) un mit em Bryys vu dr Filmkritik.[6] Derzue isch dr Film fri dr Schwyzer Filmbryys 2024 nomeniert woore.

Filmegrafy

  • 2017: Fast alles
  • 2019: Happy Birthday
  • 2020: J’ai arrêté de caresser le chien
  • 2024: Electric Fields

Fueßnote

  1. ↑ Lisa Gertsch. In: masterclassfilm.de. Abgruefen am 30. Januar 2024.
  2. ↑ 2,0 2,1 2,2 2,3 2,4 Lisa Gertsch. In: swissfilms.ch. Abgruefen am 30. Januar 2024.
  3. ↑ Lisa Gertsch erhält Fritz-Raff-Drehbuchpreis. In: sr.de. 29. Januar 2024, abgruefen am 30. Januar 2024.
  4. ↑ Kurzfilmpreis an Lisa Gertsch, Der Landbote, 22. Novämber 2017
  5. ↑ 5,0 5,1 Jenni Zylka: Festival für Nachwuchsfilm: Sich durch die Rhetorik klamauken. 29. Januar 2024, abgruefen am 30. Januar 2024.
  6. ↑ Electric Fields. In: swissfilms.ch. Abgruefen am 30. Januar 2024.


Dä Artikel basiert uff ere fräie Übersetzig vu dere Version vum Artikel „Lisa_Gertsch“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.